სოციალურ ქსელებში ისევ გავრცელდა მოსკოვის "ლოკომოტივის" თავდამსხმელის არტიომ ძიუბას ინტიმური ხასიათის ვიდეოები და სურათები. ეს 2020 წლის ნოემბრის შემდეგ პირველად მოხდა. მაშინ ის რუსეთის ნაკრებიდან დროებით მოკვეთეს და "ზენიტის" კაპიტნობა ჩამოართვეს.

ძიუბას ინტიმური ქმედების (მასტურბაციას) საჯაროობას რუსეთში კვლავ დიდი გამოხმაურება მოჰყვა.

ალეკსანდრ ტიხონოვი (ბიატლონში ოთხგზის ოლიმპიური ჩემპიონი): "სულელი სულელად დარჩება! ასეთებს კისერში უნდა წაუთაქო და გააგდო. სრული იდიოტია! რამდენჯერ შეიძლება თავი შეირცხვინოს? რუსეთის ფედერაციის ტერიტორიაზე ფეხბურთის თამაში უნდა აუკრძალონ".

ვლადიმირ პონომარიოვი (ცსკა-ს ვეტერანი): "ჯანდაბას მისი თავი. ვითომ პრობლემაა. თუნდაც უკანალის ფოტოები გაუგზავნოს თავის გოგონას. იდიოტია და მორჩა".

ანდრეი ჩერვიჩენკო (სპარტაკის ყოფილი პრეზიდენტი): "ყოველთვის ვამბობდი, რომ პირადი ცხოვრება და სპორტული კარიერა სხვადასხვა რამაა. თავის სახლში ჩაკეტილ კარს მიღმა რასაც უნდა, იმას გააკეთებს. ყველას თავისი გადახრები აქვს. უნდა გავიგოთ, რომ ეს ძიუბას კარიერაზე არანაირად არ იმოქმედებს, მხოლოდ ცნობადობის პროცესს შეუწყობს ხელს. ხომ ხედავთ, დარბის და გოლებიც გაიტანა. ე.ი. მასტურბაცია ეხმარება".

ზარემა სელიხოვა (სპარტაკის ყოფილი მფლობელის ლეონიდ ფედუნის მეუღლე): "ეს მისი პირადი ცხოვრებაა, რაც "ლოკომოტივზე" არ უნდა აისახოს, ვინაიდან ეს უნარები ჯერ კიდევ "ზენიტში" შეიძინა".

წყარო: sportall.ge