ალბანეთის სუპერლიგის მატჩი "ეგნატიასა" და "პარტიზანის" შორის 24-ე წუთზე შეწყდა. მასპინძელი გუნდის ფორვარდი, 28 წლის რაფაელ დვამენა მოედანზე დაეცა და გონზე მოუსვლელად, საავადმყოფოში მიყვანამდე გარდაიცვალა.

საინტერესოა, რომ მას მოედანზე 2021 წელსაც მოუვიდა გულის შეტევა, როცა ავსტრიაში თამაშობდა. მეორე შემთხვევა საბედისწერო აღმოჩნდა.

ალბანეთისა და ავსტრიის ("ლინცი", "ლუშტენაუ", "ლიფერინგი") გარდა, თამაშობდა დანიაში ("ვეილე"), შვეიცარიასა ("ციურიხი") და ესპანეთში, სადაც "ლევანტესა" და "სარაგოსაში" (გიორგი პაპუნაშვილის დროს).

განის ნაკრებში ჩატარებული აქვს 9 მატჩი (2 გოლი).