პრემიერ-მინისტრმა დღეს დაასახელა მთავრობის ახალი შემადგენლობა, გარკვეული ცვლილებები იქნება კომიტეტების თავმჯდომარეებთან დაკავშირებითაც, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა.

პაპუაშვილის თქმით, დღეს ყველა ყველაფერს გაიგებს, როგორც კომიტეტების შემადგენლობასთან, ისე სხვა საპარლამენტო თანამდებობებთან დაკავშირებითაც.

„პარლამენტს და პარლამენტის კონფიგურაციას რაც შეეხება, თქვენ ნახეთ, რომ პრემიერ-მინისტრმა დაასახელა მთავრობის ახალი შემადგენლობა, რომელიც პარლამენტს წარედგინება. ნახეთ ჩვენი კოლეგები, რომლებიც სხვადასხვა სამინისტროს გაუძღვებიან. შეგიძლიათ, უკვე აქედანვე იგულისხმოთ, რომ გარკვეული ცვლილებები იქნება კომიტეტების თავმჯდომარეებთან დაკავშირებით. დღეს ყველა ყველაფერს გაიგებს, როგორც კომიტეტების შემადგენლობას, ისე სხვა საპარლამენტო თანამდებობებს“, – განაცხადა შალვა პაპუაშვილმა.

საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე მთავრობის ახალი შემადგენლობა დაასახელა.