რუსეთი უკრაინაში ბირთვულ იარაღს არ გამოიყენებს, - განაცხადა რუსეთის საგარეო საქმეთა მინისტრმა, სერგეი ლავროვმა.

ტელეარხ India Today-სთან ინტერვიუში სერგეი ლავროვმა განაცხადა, რომ რუსეთი უკრაინაში მხოლოდ ჩვეულებრივ შეიარაღებას გამოიყენებს.

რუსეთის საგარეო საქმეთა მინისტრმა ასევე აღნიშნა, რომ რუსეთის შეტევა ახლა უკრაინის აღმოსავლეთზეა ორიენტირებული.

„ოპერაცია უკრაინის აღმოსავლეთში, როგორც თავიდანვე იყო გამოცხადებული, მიზნად ისახავს დონეცკისა და ლუგანსკის რესპუბლიკების სრულად გათავისუფლებას. ეს ოპერაცია გაგრძელდება“, - განაცხადა რუსეთის საგარეო უწყების ხელმძღვანელმა.