ინგლისის საფეხბურთო ასოციაციამ ოფიციალურად გაავრცელა ცნობა, რომ მათი ეროვნული ნაკრების მთავარმა მწვრთნელმა გარეთ საუთგეიტმა დაკავებული თანამდეობა დატოვა.

53 წლის სპეციალისტი "სამ ლომს" 2016 წლის მერე წვრთნიდა და ეროვნულ გუნდში ახალგაზრდული ნაკრებიდან გადმოინაცვლა.

საუთგეიტის ხელმძღვანელობით ინგლისმა 4 დიდ ტურნირზე ითამაშა. 2018 წელს ინგლისელებმა მუნდიალზე ნახევარფინალს უწიეს, 2020 და 2024 წელს ევროზე ფინალი ითამაშეს, 2022 წლის მსოფლიო ჩემპიონატს კი მეოთხედფინალში დაემშვიდობნენ.

ვინ იქნება ინგლისის ნაკრების ახალი მწვრთნელი, ჯერჯერობით უცნობია.