საქართველოს ქალთა ნაკრებმა ისტორიაში საუკეთესო მატჩი ჩაატარა.

საქართველოს ქალთა ნაკრებმა უეფას ერთა ლიგის მეხუთე ტურში საკუთარ მოედანზე ლუქსემბურგი 4:2 დაამარცხა.

სტუმრები პირველ ტაიმში 2:0 დაწინაურდნენ, 44-ე წუთზე კი სტადიონზე განათება გამოირთო და ორივე გუნდის შეთანხმებით თამაში სათადარიგო მოედანზე გაგრძელდა. მეორე ტაიმში ანტმანის შეგირდები გააქტიურდნენ, 67-ე წუთზე ბაქრაძემ ანგარიში შეამცირა, 79-ე წუთზე ჭყონიამ გაათანაბრა, 85-ეზე პასიკაშვილმა ჩვენი გუნდი დააწინაურა, ხოლო კომპენსირებულ დროში მეტოქის კარი დანელიამაც დალაშქრა.

საქართველოს ნაკრები C ლიგის მეორე ჯგუფში 5 ქულით მეორე ადგილზეა და 5 დეკემბერს გასვლაზე ლიდერ თურქეთს დაუპირისპირდება.