საქართველოს მორაგბეთა ნაკრების და „შავი ლომის“ მწვრთნელად ბრიტანელი სპეციალისტი რიჩარდ კოკერილი დაინიშნა.

„ახალ წელს დიდი ამბით შევხვდით - ბორჯღალოსნებსა და შავ ლომს ახალი მწვრთნელი ჰყავს“, - ნათქვამია ბორჯღალოსნების Facebook გვერდზე გავრცელებულ განცხადებაში.

რიჩარდ კოკერილი წლების განმავლობაში იყო ფრანგული ტულონის, მონპელიესა და შოტლანდიური ედინბურგის მთავარი მწვრთნელი, ის ასევე მუშაობდა ინგლისის ნაკრების შერკინების მწვრთნელად.

მოთამაშის კარიერის განმავლობაში, კოკერილი იცავდა ლესტერ ტაიგერსისა და კლერმონის ღირსებას . ინგლისის ნაკრების მაისურით კი 27 თამაშში 3 ლელო აქვს დადებული.