საქართველოს ევროკავშირში გაწევრიანების პროცესი არ შეიძლება, შეჩერდეს, – ამის შესახებ ევროპარლამენტის წევრმა, დანილო დელა ვალემ განაცხადა.

მისივე თქმით, უნდა გაგრძელდეს დიალოგი საქართველოსთან, თუმცა არ უნდა მოხდეს ჩარევა სხვა ქვეყნების შიდა საქმეებში.

„ჩვენ უნდა გავაგრეძელოთ დიალოგი საქართველოსთან, საქართველოს მოსახლეობასთან, რომელსაც ევროკავშირში გაწევრიანება სურს. რა თქმა უნდა, ჩვენ უნდა ვებრძოლოთ რუსეთის მხრიდან ჩარევებს, თუმცა ჩვენ თავად არ უნდა ჩავერიოთ სხვა ქვეყნების შიდა საქმეებში, როგორც ევროპარლამენტში ზოგიერთ კოლეგას სურს“, – აღნიშნა ევროპარლამენტარმა.