რუსეთის ფედერაციის სახელმწიფო სათათბიროში შევიდა კანონპროექტი, რომელიც ითვალისწინებს ფინანსური წახალისების შემოღებას დსთ-ს რიგი ქვეყნების მიმართულებებზე სპეციალიზებული ტუროპერატორებისთვის. საუბარია სარეზერვო ფონდში მინიმალური შენატანის და დაზღვევის ოდენობის შემცირებაზე. დოკუმენტი გამოქვეყნდა სახელმწიფო სათათბიროს ელექტრონულ მონაცემთა ბაზაში, იუწყება Parlamentskaya Gazeta.

გამოცემის ცნობით, განმარტებით ბარათში აღნიშნულია დსთ-ს ქვეყნების შესახებ ფორმულირება. თავად კანონპროექტის ტექსტში წერია, რომ ქვეყნების სიას მთავრობა დაამტკიცებს.

ტურისტული პორტალები TourDom.ru და Profi.Travel ირწმუნებიან, რომ „მეგობრული“ ქვეყნების სია უკვე შეთანხმებულია რუსეთის ფედერაციის ეკონომიკური განვითარების სამინისტროსთან. მასში შედის, კერძოდ, ბელორუსია, ყაზახეთი, უზბეკეთი, ყირგიზეთი, სომხეთი, მოლდოვა, ტაჯიკეთი, თურქმენეთი, საქართველო, ასევე აფხაზეთისა და სამხრეთ ოსეთის თვითგამოცხადებული რესპუბლიკები.

Profi.Travel-ის რედაქტორებმა ადრე გამოაქვეყნეს რუსეთის ფედერაციის ეკონომიკური განვითარების მინისტრის მოადგილის სერგეი ნაზაროვის პასუხი, გაგზავნილი ფედერაციის საბჭოს მოთხოვნის შესაბამისად, რომელშიც ნათქვამია: „დასახული ამოცანის გათვალისწინებით, მიზანშეწონილად მივიჩნევთ ცვლილებების შეტანას 1996 წლის 24 ნოემბრის ფედერალურ კანონში „რუსეთის ფედერაციაში ტურისტული საქმიანობის საფუძვლების შესახებ“ ფინანსური მხარდაჭერის შემცირების თვალსაზრისით გასვლითი ტურიზმის სფეროს ტუროპერატორებისთვის, თუ ისინი ყიდიან ტურისტულ პროდუქტს არა მხოლოდ ევრაზიული კავშირის, არამედ დსთ-ს ქვეყნებში, აგრეთვე აფხაზეთის რესპუბლიკაში, სამხრეთ ოსეთის რესპუბლიკასა და საქართველოს რესპუბლიკაში. ..> ჩვენ მხარს ვუჭერთ ტუროპერატორის ვალდებულების ფინანსური უზრუნველყოფის შემცირებას გამსვლელი ტურიზმის სფეროში 50 მილიონი რუბლიდან 500 ათას რუბლამდე“.

კანონი ძალაში სავარაუდოდ 2024 წლის 1 აპრილს შევა.