საქართველოს ფეხბურთის ფედერაციისა და თბილისის მერიის ორგანიზებით, დღეს 19:00 საათზე, მიხეილ მესხის სახელობის სტადიონზე ლეგენდების მატჩი გაიმართება. ერთმანეთს ვეტერანი ქართველი ფეხბურთელები და იტალიის საფეხბურთო კლუბ „მილანის“ ლეგენდები შეხვდებიან.

„მილანის“ ლეგენდების დიდი ჯგუფი თბილისში 20 სექტემბერს ჩამოვიდა. მანამდე საქართველოს სტუმართა გუნდის რამდენიმე წევრი ეწვია. შეხვედრის მასპინძელ სტადიონზე ბოლო ვარჯიში საქართველოს ნაკრებმა ასევე 20 სექტემბერს ჩაატარა.

დედაქალაქის მერი კახა კალაძე საფეხბურთო კლუბ „მილანის“ლეგენდებს თბილისის აეროპორტში დახვდა.

„მილანის“ ყოფილი ფეხბურთელი კახა კალაძე აცხადებს, რომ ფეხბურთის გულშემატკივრებისთვის ამ მატჩზე დასწრება ძალიან საინტერესო და ემოციური იქნება.

„თბილისში გულშემატკივარი იხილავს თავის საყვარელ ფეხბურთელებს, როგორც ქართველ, ასევე სხვადასხვა ეროვნების ფეხბურთელებს, რომლებიც თამაშობდნენ იმ ისტორიულ „მილანში“, რომელმაც, ფაქტობრივად, ყველაფერი მოიგო 10 წლის განმავლობაში და მიხარია, რომ იმ გუნდის ნაწილი ვიყავი. მილანი არის უდიდესი ისტორიის მქონე გუნდი და ძალიან მიხარია, რომ ჩემი ყოფილი თანაგუნდელები ჩამოვიდნენ. ჩემთვის ძალიან ემოციურია, რადგან მე დღესაც ვაგრძელებ მეგობრობას ბიჭებთან და ყველა ძალიან დიდი სიამოვნებით სტუმრობს ჩვენს ქვეყანას, ჩვენს ულამაზეს დედაქალაქს“, - განაცხადა კახა კალაძემ.

საქართველოს ნაკრების ლეგენდები:

გიორგი ლომაია, ნუკრი რევიშვილი, ნიკოლოზ ჩხეიძე, ლაშა სალუქვაძე, გიორგი ნავალოვსკი, კახა ცხადაძე, კახა კალაძე, მურთაზ შელია, ალეკო ამისულაშვილი, დავით კვირკველია, ზურაბ ხიზანიშვილი, გიორგი ფოფხაძე, ლევან ცქიტიშვილი, გოჩა ჯამარაული, გიორგი დემეტრაძე, ჯანო ანანიძე, ალექსანდრე კობახიძე, ლევან კობიაშვილი, ლადო ბურდული, გელა ინალიშვილი, დავით მუჯირი, გოგა გახოკიძე, გიორგი ნემსაძე, გიორგი ღუდუშაური, გიორგი ქინქლაძე, მალხაზ ასათიანი, ალექსანდრე იაშვილი, შოთა არველაძე, დავით სირაძე, ლადო დვალიშვილი, ლევან მჭედლიძე, ოთარ მარცვალაძე, არჩილ არველაძე, მიხეილ ყაველაშვილი, მიხეილ აშვეთია.

მწვრთნელი: თემურ ქეცბაია

„მილანის“ ლეგენდები:

დიდა, ვალერიო ფიორი, მასიმო ოდო, კაფუ, ალესანდრო კოსტაკურტა, ლუკა ანტონინი, როკე ჟუნიორი, კრისტიან პანუჩი, კრისტიან ძაკარდო, მასიმო ამბროზინი, სერჟინიო, ანჯელო კარბონე, რიკარდო მონტოლივო, კლარენს ზეედორფი, კრისტიან ბროკი, მარკო ბორიელო, რივალდო, კაკა.

მწვრთნელი: იბრაჰიმ ბა

მატჩზე დასასწრები ბილეთების გაყიდვა პორტალ TKT.GE-ზე მიმდინარეობს, ბილეთის ფასი – 10, 30 და 50 ლარია. თითოეულ მომხმარებელს შეხვედრაზე დასასწრები, მაქსიმუმ, ორი ბილეთის შეძენა შეუძლია.