ჩეხეთთან და ალბანეთთან გამარჯვების შემდეგ საქართველო უეფას ერთა ლიგის ერთპიროვნული ლიდერი გახდა და ფიფას რეიტინგში 3 საფეხურით დაწინაურდა.  

ფიფა განახლებული რეიტინგს 19 სექტემბერს გამოაქვეყნებს, თუმცა უკვე ცნობილია, რომ საქართველოს ჩეხეთთან მოგებამ 9.09, ხოლო ალბანეთთან მოგებამ 7.72 სარეიტინგო ქულა შესძინა.

ორ მატჩში ჯამურად მოპოვებული 16,81 სარეიტინგო ქულის შემდეგ საქართველოს სულ 1378,22 ქულა დაუგროვდა და მატჩებამდე დაკავებული 70-ე ადგილიდან 67-ე ადგილზე აინაცვლა.