ტირანაში მიმდინარე 23-წლამდელთა შორის მსოფლიო ჩემპიონატზე ბერძნულ-რომაული სტილით ჭიდაობაში, მესამე საშეჯიბრო დღეს საქართველოს ნაკრებს სამი მედლის მოპოვების შანსი აქვს.

23 ოქტომბერს, 20:00 საათიდან ბრინჯაოს მედლებისთვის თემურ ორჯონიკიძე (77 კგ), აჩიკო ბოლქვაძე (87 კგ) და გიორგი ცოფურაშვილი (130 კგ) იჭიდავებენ.

შეგახსენებთ, რომ საქართველოს ნაკრებს უკვე მოპოვებული აქვს ოთხი მედალი – გიორგი ჩხიკვაძე მსოფლიო ჩემპიონი გახდა. ქართველმა ფინალში სომეხი ხაჩატრიანი 3:1 დაამარცხა. ჩემპიონობისთვის იბრძოლა დიეგო ჩხიკვაძემაც (67 კგ), მაგრამ ყირგიზ ბეიშკეევთან დამარცხდა და ვერცხლის მედალი მოიპოვა.

ბრინჯაოს მედლებს დაეუფლნენ ფრიდონ აბულაძე (60 კგ) და დათა ჩხაიძეც (82 კგ).