გათავისუფლებულია შალვა ჩხიკვაძეც, თუმცა მის მიმართ გამოძიება კვლავ გრძელდება. საგამოძიებო უწყების ცნობით, ის პოლიციის მითითებას არ დაემორჩილა და სამართალდამცველებს სიტყვიერად დაუპირისპირდა.

დაკავებები და ხმაური სალხინოში 5 ნოემბერს დაიწყო, მას შედეგ, რაც მიტროპოლიტ სტეფანეს გადაწყვეტილებით, მონასტრიდან განკვეთილ ბერებს კელიები ძალის გამოყენებით დაატოვებინეს. სიტყვიერი და ფიზიკური დაპირისპირების შედეგად, 7 ნოემბერს, სულ 10-მდე ადამიანი დააკავეს. მათი ნაწილი იმავე დღეს გაათავისუფლეს.