„საფრანგეთმა ფრინველის გრიპის რისკის დონე "მცირედან" "ზომიერამდე" გაზარდა, რაც ფერმებში უსაფრთხოების ზომებს გააძლიერებს,“ - ნათქვამია მთავრობის მიერ გამოქვეყნებულ განკარგულებაში.

სტატუსის ცვლილება დაკავშირებულია რამდენიმე მეზობელ ქვეყანაში უაღრესად პათოგენური ფრინველის გრიპის შემთხვევების რაოდენობის მატებასთან, რაც ასევე ზრდის საფრანგეთის გავლით გადამფრენი ფრინველების ვირუსის გადაცემის შესაძლებლობას.
როგორც Reuters-ი წერს, წინა ეპიდემიების დროს, ევროპის მთელ რიგ ქვეყნებში, მათ შორის გერმანიაში, მილიონობით ფრინველი დაიღუპა. 2024 წლის ზაფხულის შემდეგ, საფრანგეთის ფერმებში ფრინველის გრიპის ოთხი ეპიდემია დაფიქსირდა და ფრინველთა ვაქცინაციის მეორე კამპანია დაიწყო.