„რუსმა სამხედროებმა წამოაყენეს ულტიმატუმი, იმუქრებიან ჩერნობილის მნიშვნელოვანი ატომური ობიექტის დანაღმვით და აფეთქებით. სანქციების თავიდან აცილების მიზნით, რუსეთი ამზადებს ისტორიებს იმის შესახებ, რომ იქ ყველაფერი კონტროლის ქვეშაა და უსაფრთხო“,  - ნათქვამია ინფორმაციაში.

ცნობისთვის, უკრაინამ ორი დღის წინ დაკარგა კონტროლი ატომურ ელექტროსადგურზე. ასევე, მომატებულია რადიაციის დონეც.

„ეს მიუთითებს დამპყრობლების მიერ უსაფრთხოების სისტემების არასწორ გამოყენებაზე და მათ არ გააჩნიათ საჭირო ექსპერტიზა ბირთვული ობიექტების დასაცავად“, - აცხადებენ სპეციალისტები და ამბობენ, რომ მოსახლეობას ამ დროისთვის საფრთხე არ ემუქრება.