რუსეთმა, შესაძლოა, ირანს გადასცეს საჰაერო თავდაცვა და ავიაცია, რათა გააძლიეროს თავისი სამხედრო ძალა, ასევე, ამან შეიძლება გააძლიეროს კონფლიქტი ისრაელთან, - აცხადებენ ექსპერტები. 

„ბალისტიკური რაკეტები და თვითმფრინავები, რომლებსაც ირანი აწვდის რუსეთს უკრაინის ომისთვის, შეიძლება გახდეს ბერკეტი სანაცვლოდ უფრო ძლიერი იარაღის მისაღებად, მათ შორის სუ-35, ხომალდსაწინააღმდეგო რაკეტები და მოწინავე საჰაერო თავდაცვის აღჭურვილობა (S-400), - წერს Business Insider.

„Su-35-ის მიწოდებას დრო დასჭირდება, ისევე როგორც საჰაერო ეკიპაჟის მომზადებას“, - აცხადებს ჯასტინ ბრონკი, საჰაერო ძალების და ტექნოლოგიების უფროსი მკვლევარი.

აქედან გამომდინარე, მან დასძინა, რომ სიტუაცია არ შეიცვლება უახლოეს მომავალში, იმის გათვალისწინებით, რომ ისრაელი აპირებს დარტყმა მიაყენოს ირანს წინა სარაკეტო თავდასხმის საპასუხოდ. ცნობილია, რომ მას შემდეგ, რაც ისრაელმა გამოაცხადა საპასუხო მოქმედების შესახებ, გაჩნდა ცნობები, რომ თეირანმა უკვე მიიღო სუ-35-ების მინიმუმ ერთი ესკადრილია და რამდენიმე S-400.

„არსებობს საფუძველი იმისა, რომ ირანს შეუძლია მიიღოს ეს ძლიერი მეოთხე თაობის სუ-35-ები და საჰაერო თავდაცვის აღჭურვილობა უახლოეს მომავალში“, - ნათქვამია სტატიაში.

ანტონ მარდასოვმა, ახლო აღმოსავლეთის ინსტიტუტის სირიის პროგრამის მკვლევარმა, აღნიშნა, რომ სუ-35-ის მოიერიშე თვითმფრინავის მიწოდების შესახებ  შეთანხმება უკვე „მოგვარებული საკითხია“, რადგან რუსეთმა ირანს 2023 წლის სექტემბერში უკვე მიაწოდა Yak-130 სასწავლო თვითმფრინავი.

მისი თქმით, სუ-35-ის მიწოდების პირობები დამოკიდებულია სხვადასხვა ფაქტორზე, მათ შორის „ტექნიკურ მზადყოფნაზე“.

„თუმცა, რუსეთის ამ ქმედებამ შეიძლება უარყოფითად იმოქმედოს ირანის იმიჯზე, რადგან ეს ცხადყოფს, რომ ქვეყანა ვერ უპირისპირდება ისრაელის საფრთხეს რუსული იარაღის გარეშე“, - მიიჩნევს მარდასოვი და აღნიშნავს, რომ მას პირადად არ სჯერა, რომ რუსეთის ფედერაცია მიაწვდის ირანს თანამედროვე S-400 უკრაინაში მიმდინარე ომის ფონზე, როდესაც არსებობს უპილოტო საფრენი აპარატების დარტყმის საფრთხე რუსეთის საბრძოლო საცავებსა და საწარმოებზე.

რუს ანალიტიკოსს არ სჯერა, რომ რუსული იარაღის პირდაპირი გადაცემა ირანში მოხდება, რადგან ამან შეიძლება „ჩინეთის ტანკერებს საფრთხე შეუქმნას“.

სტატიაში ნათქვამია, რომ ადრე ჰუსიტების რაკეტამ უკვე დაარტყა ერთ ჩინურ ტანკერს MV Huang Pu, რომელიც პანამის დროშის ქვეშ ცურავდა. გარდა ამისა, რუსეთის მიერ იარაღის მიწოდება რუსეთის ფედერაციისთვის მნიშვნელოვანი პარტნიორების არაბული ქვეყნების „ძლიერ გაღიზიანებას“ გამოიწვევს.