რუსეთიდან ოკუპირებულ აფხაზეთში ელექტროენერგიის ჰუმანიტარული მიწოდება დაიწყო - განუცხადეს TASS-ს ე.წ. ენერგეტიკისა და ტრანსპორტის სამინისტროში.

„დღეს, მოსკოვის დროით, 07:00 საათიდან დაიწყო რუსეთიდან ელექტროენერგიის ჰუმანიტარული მიწოდება“, - თქვა მოქმედმა ე.წ. ენერგეტიკისა და ტრანსპორტის მინისტრმა ჯანსუხ ნანბამ.

როგორც ჩერნომორენერგოს პრესსამსახური იტყობინება, რუსეთიდან ნაკადის დაწყების შემდეგ, ძალაში შევიდა პირველ ნოემბერს შემოღებული ელექტროენერგიის მიწოდების წინა გრაფიკი, ოთხსაათიანი შეზღუდვით - 2 საათი დღის განმავლობაში და ღამით.

მიწოდებული ელექტროენერგიის ლიმიტი 327 მლნ კვტ/სთ-ია. Chernomorenergo-მ განაცხადა, რომ ეს მოცულობა, არსებული გამორთვის გრაფიკით, საკმარისი იქნება იანვრისა და თებერვლისთვის.