რუსული ოპოზიციური ტელეკომპანია „დოჟდის“ ინფორმაციით,  რუსეთის 24 ქალაქში ომის საწინააღმდეგო აქციებზე 200-მდე ადამიანი დააკავეს. 

რუსეთის მოქალაქეებმა მხარდაჭერა გამოხატეს უკრაინის მიმართ. ისინი შეძახილებით სკანდირებდნენ „არა ომს“. 

ტელეკომპანიის მიერ გამოქვეყნებული მასალებიდან ჩანს, რომ უშიშროების ძალები ბლოკავს მომიტინგეთა თავშეყრის ადგილებს და მასობრივად ხდება უკრაინის მხარდამჭერი რუსების დაკავება. 

მანამდე უკრაინის პრეზიდენტმა ვოლოდიმირ ზელენსკიმ რუსეთის მოქალაქეებს მიმართა და მოუწოდა, რომ ისტორიის სწორ მხარეს დადგნენ.