რუსეთი მოელის, რომ აფხაზეთი შეასრულებს მოსკოვთან დადებული ხელშეკრულებებით ნაკისრი ვალდებულებების ნაწილს, მათ შორის ინვესტიციების საკითხზე ორი ქვეყნის კანონმდებლობის ჰარმონიზაციას - განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

„აშკარაა, რომ სამოკავშირეო ურთიერთობები გულისხმობს ორმხრივი ვალდებულებების ბალანსს, ჩვენ გამოვდივართ იქიდან, რომ სოხუმში გზის თავიანთ ნაწილს გაივლიან... დოკუმენტების (ქვეყნებს შორის შეთანხმებების) მიხედვით, მათ შორის, რაც უკავშირდება მათ ჰარმონიზაციას კანონმდებლობასთან, რუსული ინვესტიციებისთვის აუცილებელი პირობების შექმნა და ასე შემდეგ“, - განაცხადა ზახაროვამ ბრიფინგზე.