უკრაინის შინაგან საქმეთა მინისტრის ცნობით, არის მსხვერპლი. 

„კიევის რეგიონში ამჟამად რამდენიმე სერიოზული ბრძოლა მიმდინარეობს. ჩვენ ახლა ვიცით, რომ კიევი არის ვლადიმირ პუტინის მთავარი მიმართულება. ახლა კი კიევის რეგიონის ქალაქი ივანკოვი ცეცხლის ქვეშაა. ამ ქალაქში ხანძარია, არის მსხვერპლი მშვიდობიან მოსახლეობაში“, - განაცხადა დენისენკომ.

მან, ასევე, ხაზგასმით აღნიშნა, რომ არსებობს საშიშროება, რომ  ჭურვები მაგისტრალურ გაზსადენს მოხვდეს, რამაც შეიძლება გამოიწვიოს ევროპისკენ გაზის ტრანზიტის შეწყვეტა.

„ჩვენ უნდა გვესმოდეს, რომ გაზსადენები შეიძლება იყოს რუსეთის ფედერაციის ერთ-ერთი მიზანი, რათა უკრაინა ცუდ სატრანზიტო ქვეყნად აქციოს“, - დასძინა მან.