გავლენიანი გამოცემა - Repubblica წერს, რომ ხვიჩა კვარაცხელიას "ნაპოლი" ახალ მთავარ მწვრთნელს უახლოეს საათებში წარადგენს. 

გამოცემის თანახმად, ლუჩანო სპალეტის კრისტოფ გალტიე შეცვლის. კლუბი დაელოდება მის გათავისუფლებას პსჟ-ისგან. საუბარია კომპენსაციაზეც - 6 მლნ ევრო.

გალტიემ საფრანგეთის ჩემპიონობა ორჯერ მოიპოვა, ჯერ "ლილის", შემდეგ კი პარიზული გრანდის თავკაცობისას. ის "ნიცასა" და "სენტ ეტიენშიც" მუშაობდა. თუკი ნეაპოლელებმა სკუდეტო 33-წლიანი ლოდინის შემდეგ აღმართეს, "ლილმა" ჩემპიონობა ათწლიანი პაუზის შემდეგ მოახერხა. 

ტიტულის მოპოვების შემდეგ გალტიე, სპალეტის მსგავსად, გადადგა.