ქართველი მოციგურავეები ყაზახეთის დედაქალაქ ასტანაში ჩელენჯერის სერიის საერთაშორისო ტურნირზე წარმატებით გამოვიდნენ.

საქართველოს ფიგურული სრიალის ფედერაციის ინფორმაციით, ყინულის ცეკვის შეჯიბრში დიანა დევისმა და გლებ სმოლკინმა გაიმარჯვეს. მამაკაცთა სრიალში ვერცხლი ნიკა ეგაძემ, ქალთა შორის ბრინჯაო - ალინა ურუშაძემ მოიპოვა.

იუნიორებს შორის ოქროს მედალი ინგა გურგენიძემ მოიპოვა, ვერცხლის მედალი კი კონსტანტინე სუპატაშვილმა და მარია ალიევასა და იეგორ ბარშაკის წყვილმა.