საქართველოს ყინულის ჰოკეის ეროვნული ნაკრები 2023 წლის მსოფლიო ჩემპიონატის II დივიზიონის A ჯგუფში გასამართი შეხვედრებისთვის ლატვიაში ემზადება. გუნდი 13 აპრილის ჩათვლით ქალაქ ტუკუმსში გაივლის შეკრებას, სადაც 10-12 აპრილს ამავე ქალაქის ყინულის ჰოკეის კლუბებთან ამხანაგურ შეხვედრებს გამართავს.

საქართველოს ეროვნული ნაკრები მადრიდში 14 აპრილს ჩაფრინდება, მეორე დღეს კი Pista de Hielo Madrid Palacio de Hielo-ზე ივარჯიშებს. ამავე მოედანზე 16-დან 22 აპრილის ჩათვლით მსოფლიო ჩემპიონატის მეორე დივიზიონის A ჯგუფის შეხვედრები გაიმართება.

საქართველოს ნაკრების მატჩების განრიგი მსოფლიო ჩემპიონატზე:

16 აპრილი, 14:30 | საქართველო – ისლანდია

17 აპრილი, 18:00 | ისრაელი – საქართველო

19 აპრილი, 21:30 | ესპანეთი – საქართველო

21 აპრილი, 18:00 | საქართველო – ხორვატია

22 აპრილი, 14:30 | ავსტრალია – საქართველო