კრემლის დიქტატორი დარწმუნებულია, რომ თუ შეთანხმების შემთხვევაში, საქართველოს დღევანდელი ხელმძღვანელობის ნაწილთან, კონფლიქტის პროვოცირება შესაძლებელია გამარჯვების სცენარის განხორციელებით.

რუსეთის დიქტატორს ვლადიმერ პუტინს სურს ჩაატაროს სწრაფი და ეფექტური „სპეციალური ოპერაცია“ მეზობელი ქვეყნის წინააღმდეგ, სადაც გამარჯვება, პრაქტიკულად, "გარანტირებულია". ასეთ ქვეყნად რუსეთის ფედერაციის პრეზიდენტი საქართველოს მიიჩნევს. ამის შესახებ წერს რუსეთის საგარეო დაზვერვის ტელეგრამის არხი, რომელსაც, სავარაუდოდ, რუსეთის ფედერაციის საგარეო დაზვერვის სამსახურის ყოფილი გენერალი მართავს.

არხის ცნობით, პუტინმა თავისი იდეა პარასკევს, 20 იანვარს, რუსეთის უშიშროების საბჭოს მუდმივ წევრებთან ოპერატიული შეხვედრის დროს გამოაცხადა.

„პუტინი დარწმუნებულია, რომ საქართველოს ამჟამინდელი ხელმძღვანელობის ნაწილთან შეთანხმებით, შესაძლებელია კონფლიქტის პროვოცირება მომგებიანი სცენარის განხორციელებით და ამავდროულად, დაეხმაროს საქართველოს პრორუსული ხელმძღვანელობის ნაწილს, თავი დააღწიოს „არასასურველ ელემენტებს“ ხელისუფლებაში“ - ნათქვამია ინფორმაციაში.

ასევე აღნიშნულია, რომ პარალელურად რუსეთის პრეზიდენტი „სომხური საკითხის“ გადაწყვეტას აპირებს.

„სპეცოპერაციის მზა სცენარები პრეზიდენტ პუტინთან არის გასული წლის შემოდგომიდან და ახლა მან გასცა ბრძანება დღევანდელ რეალობასთან მორგებისა და 1 თებერვლამდე მისთვის წარდგენის შესახებ“, - განაცხადა დაზვერვის გენერალმა.

როგორც „გლავრედი“ იტყობინება, ეროვნული უსაფრთხოებისა და თავდაცვის საბჭოს მდივანი ალექსეი დანილოვი მიიჩნევს, რომ რუსეთის ფედერაციას შეუძლია ყაზახეთის წინააღმდეგ სრულმასშტაბიანი ომის გაჩაღება. მოსკოვს გაუჩნდება სახელმწიფოს ხელში ჩაგდების დიდი სურვილი. თუმცა, ამ დროისთვის არ შეიძლება ითქვას, რომ კრემლი ამ მიმართულებით აქტიურად მუშაობს.

იმავდროულად, უკრაინის ომში გადამწყვეტი იქნება გაზაფხული-ზაფხულის დასაწყისი. რუსეთის მიერ დაგეგმილი თავდასხმის შედეგებზე იქნება დამოკიდებული ომის დასასრული - განაცხადა  თავდაცვის სამინისტროს მთავარი სადაზვერვო სამმართველოს სპიკერმა ვადიმ სკიბიცკიმ.