ექსპრეზიდენტ მიხეილ სააკაშვილის მორიგი სასამართლო პროცესის დასრულების შემდეგ, სააკაშვილის ინტერესების დამცველმა იუსტიციის სამინისტროს სამარცხვინო უწოდა და თქვა, რომ მათ პატიმრის დისტანციურად ჩართვა 2 კილომეტრიდან ვერ მოახერხეს.

„სირცხვილი იუსტიციის სამინისტროს, სირცხვილი მათ. პატიმარი ვერ ჩართეს 2 კილომეტრიდან. ყველაფერს ცდილობენ რომ კვალი დამალონ და მოკლან სააკაშვილი. სხვა არაფერი არ ჰქვია ამას“, - აღნიშნა შალვა ხაჭაპურიძემ.

მიხეილ სააკაშვილის სასამართლო პროცესი 22 დეკემბრის 11:00 საათამდე გადაიდო.

დღევანდელ სასამართლო პროცესზე ვერ მოხერხდა მიხეილ სააკაშვილის დისტანციური ჩართვა.

მოსამართლე გიორგი არევაძემ კი პენიტენციურ სამსახურს დაავალა, სააკაშვილთან დაკავშირებული ყველა დაცული ვიდეომასალა, დაცვის მხარეს გადასცეს.