ხვალ, 12 აპრილს, ჩემპიონთა ლიგის მეოთხედფინალში "ნაპოლი" "მილანს" ესტუმრება და პირველ შეხვედრას "სან სიროზე" გამართავს.

„ნაპოლის“ პრეზიდენტის, აურელიო დე ლაურენტისის განცხადებით, "სამწუხაროდ, ვიქტორ ოსიმენი სათამაშო ფორმაში არ იმყოფება და ხვალ ვერ ითამაშებს. ვიმედოვნებთ, რომ ის მაქსიმუმ 18 აპრილს, დიეგო მარადონაზე დაბრუნდება.“ - თქვა „ნაპოლის“ პრეზიდენტმა.

შეგახსენებთ, "მილანისა" და "ნაპოლის" მატჩი ხვალ, თბილისის დროით 23:00 საათზე გაიმართება. 

ცნობისთვის, ვიქტორ ოსიმენმა ტრავმა ნიგერიის ნაკრებში თამაშისას მიიღო.