პარლამენტის შენობასთან შეკრებილი ოპოზიციონერი ლიდერები და აქციის მონაწილეები მსვლელობით ბარათაშვილის ხიდის მიმართულებით დაიძრნენ. მსვლელობის ინიციატივით აქციის მონაწილეებს „ძლიერი საქართველოს“ ლიდერმა მამუკა ხაზარაძემ მიმართა.

როგორც ხაზარაძემ აღნიშნა, ბარათაშვილის ხიდზე „გამაფრთხილებელი პიკეტირება მოეწყობა“.

“თავიდანვე გითხარით, რომ ვართ გრძელვადიან ბრძოლაში და ხელისუფლებას უნდა ვანახოთ, რომ ეს ქვეყანა არის ჩვენი. მოგმართავთ, რომ დავიძრათ და გამაფრთხილებელი პიკეტირება გავაკეთოთ ბარათაშვილის მხარეს, მხოლოდ მოძრაობით და მხოლოდ ასეთი მოქმედებით შევძლებთ, რომ გამოვაფხიზლოთ მთელი ქალაქი, რომელმაც მოიგო არჩევნები. მე და ჩემი მეგობრები გაგიძღვებით, არ იქნებით მარტო” - განაცხადა მამუკა ხაზარაძემ.