ნიუ-იორკის მერის, ერიკ ადამსის, განცხადებით, „დაშავდა 63 ადამიანი, მათგან 32 საავადმყოფოში გადაიყვანეს, რამდენიმე კრიტიკულ მდგომარეობაშია“. 

ხანძრის ჩასაქრობად 200-მდე მეხანძრე გაიგზავნა. წინასწარი ვერსიით, ხანძარი გაუმართავმა ელექტროგამათბობელმა გამოიწვია.

ნიუ-იორკის გუბერნატორმა ინციდენტს "ტრაგედიის ღამე" უწოდა და გადარჩენილების მხარდასაჭერად მსხვერპლთა კომპენსაციის ფონდის შექმნის ინიციატივით გამოვიდა. 

ბრონქსის ოლქში მუსლიმი ემიგრანტების დიდი ნაწილი ცხოვრობს. ხანძრის შედეგად დაზარალებულთაგან ბევრი ემიგრანტი აშშ-ში გამბიიდან ჩავიდა. 

რამდენიმე დღის წინ კი, ფილადელფიაში გაჩენილ ხანძარს 12 ადამიანი, მათ შორის რვა ბავშვი, ემსხვერპლა.