სააგენტო „როიტერის“ ცნობით, აღნიშნულის შესახებ ნიდერლანდების საგარეო საქმეთა მინისტრმა ჰოლანდიურ მედიასთან საუბრისას განაცხადა.

„ჩვენ გვსურს, განვასხვავოთ ერთმანეთისგან რუსეთის სახელმწიფო და მისი მოქალაქეები, მაგრამ ამავე დროს, ვხედავთ, რომ აქ ჩამოსულთა უმეტესობა მდიდარი რუსები არიან, რომლებსაც ხშირ შემთხვევაში კავშირი აქვთ რეჟიმთან“, – განაცხადა ჰუკსტრამ.

ევროკავშირის საგარეო საქმეთა მინისტრთა არაფორმალური შეხვედრა დღეს პრაღაში გაიმართება, რომელზედაც განხილვის ერთ-ერთი საკითხი რუსეთის მოქალაქეებისთვის ვიზების გაცემის შეწყვეტა იქნება.