ჩრდილოატლანტიკური ალიანსი ორშაბათიდან ყოველწლიურ ბირთვულ წვრთნებს იწყებს. ინფორმაციას სააგენტო „როიტერი“ ალიანსის გენერალურ მდივანზე მარკ რუტეზე დაყრდნობით ავრცელებს.

„გაურკვეველ სამყაროში სასიცოცხლოდ მნიშვნელოვანია, რომ გამოვცადოთ და გავაძლიეროთ ჩვენი თავდაცვა, რათა ჩვენმა მოწინააღმდეგეებმა იცოდნენ, რომ ნატო მზად არის და შეუძლია უპასუხოს ნებისმიერ საფრთხეს. წვრთნები განსაკუთრებით ფოკუსირებული იქნება გაერთიანებულ სამეფოზე, ჩრდილოეთის ზღვაზე, მაგრამ ასევე ბელგიასა და ნიდერლანდებზე“, – ამბობს მარკ რუტე.

ნატო-ს Steadfast Noon წვრთნებში, რომელსაც ბელგია და ნიდერლანდები მასპინძლობს მონაწილეობას მიიღებენ, F-35A საბრძოლო თვითმფრინავები და B-52 ბომბდამშენები. სწავლება ორშაბათს დაიწყება და ორი კვირის განმავლობაში გაგრძელდება.