ხვიჩა კვარაცხელიას „ნაპოლი“ იტალიის სერია A-ში „სალერნიტანას“ დაუპირისპირდა და ფრედ 1:1 ითამაშა.

პირველ ტაიმში „ნაპოლიმ“ მეტოქის დაცვას ვერაფერი მოუხერხა და შესვენებაზე გუნდები 0:0-ზე გავიდნენ. 62-ე წუთზე კუთხურის გათამაშების შემდეგ მატიას ოლივერამ „სალერნიტანას“ გაუტანა და „ნაპოლი“ დააწინაურა.

მაგრამ 64-ე წუთზე „სალერნიტანას“ სენეგალელმა თავდამსხმელმა ბულაიე დიამ საჯარიმოში შესანიშნავად ითამაშა, ვიქტორ ოსიმენს ეფექტუარდ გასცდა, ლამაზი დარტყმით ანგარიში გაათანაბრა.

32 ტურის შემდეგ „ნაპოლიმ“ 79 ქულა დააგროვა, კონკურენტ „ლაციოსთან“ (61 ქულა) უპირატესობა გაზარდა, მაგრამ იტალიის ჩემპიონობა ოფიციალურად ჯერ ვერ გაიფორმა.