გიორგი ქოჩორაშვილმა საქართველოს ეროვნული ნაკრების მაისურით სადებიუტო გოლი გაიტანა. ამ ამბავს „ლევანტეს“ (სადაც ქოჩორაშვილი თამაშობს) სოციალური მედიის მენეჯერი ხავი, ტრადიციულად, ემოციურად გამოეხმაურა.

„გილოცავთ ამ ღირსეულ გამარჯვებას, ბიჭებო! აჩვენეთ, რომ თქვენი გუნდი ძალიან ძლიერია! კიდევ ბევრი მომელოცოს! განსაკუთრებით ვამაყობთ ჩვენი ბრილიანტით“, – წერს „ლევანტეს“ სოციალური მედიის მენეჯერი.

გიორგი ქოჩორაშვილმა კი საქართველოს პირველ არხთან ინტერვიუში შესვენებაზე ნაკრების გასახდელში მომხდარი საინტერესო ამბავი გაამხილა.

„ძალიან გახარებულები ვართ, რომ დავბრუნდით და თბილისში ვითამაშეთ. ეს გამარჯვება ეკუთვნის ყველა გულშემატკივარს, ვინც სტადიონზე მოვიდა თუ ვერ მოვიდა. გამარჯვება გასახდელში აღვნიშნეთ, მაგრამ ორ დღეში თამაში გვაქვს, არ უნდა გავჩერდეთ და იმ შედეგის მისაღწევად, რაც ჩვენ გვინდა, ყოველდღიურად უნდა ვიშრომოთ და წინ წავიდეთ, პროგრესი მუდმივია.