არგენტინის ნაკრებისა და „პარი სენ-ჟერმენის“ თავდამსხმელი ლიონელ მესი „ლაურესუსის“ პრემიის მფლობელი კარიერაში მეორედ გახდა და ერთადერთი სპორტსმენია ისტორიაში, რომელმაც ეს პრესტიჟული ჯილდო ორჯერ მოიპოვა.

კატარში გამართულ მუნდიალზე მესიმ არგენტინის ნაკრებთან ერთად მსოფლიო ჩემპიონობა იზეიმა. თანამედროვე ფეხბურთის ლეგენდმამ ტურნირზე შვიდი მატჩი ჩაატარა, გაიტანა შვიდი გოლი და სამი შედეგიანი გადაცემა შეასრულა.

ფინალში ერთმანეთს არგენტინა და საფრანგეთი დაუპრისპირდნენ – უხვგოლიანი, დრამატული და სანახაობრივი მატჩის ძირითადი დრო 3:3 დასრულდა, პენალტების სერიაში კი სამხრეთამერიკელებმა 4:2 გაიმარჯვეს. ლიონელ მესი მსოფლიო ჩემპიონატის აუკეთესო ფეხბურთელად აღიარეს.