მსოფლიო რაგბის ორგანიზაციამ, საქართველოს რაგბის კავშირის ყოფილ პრეზიდენტს, გიორგი ნიჟარაძე ვერნონ პიუს ჯილდო გადასცა.

„თამაშის განვითარებისათვის მიძღვნილი ცხოვრება  საქართველოსა და მის ფარგლებს გარეთ. ვულოცავთ, გიორგი ნიჟარაძეს ვერნონ პიუს 2023 წლის ჯილდოს მიღებას გამორჩეული მუშაობისთვის“, – წერს მსოფლიო რაგბი.

ვერნონ პიუს ჯილდო 2001 წელს დაწესდა. ის გადაეცემა პიროვნებას, კავშირს ან ჯგუფს, ვისაც საკუთარ ქვეყანაში და მის ფარგლებს გარეთ რაგბის განვითარებაში დიდი წვლილი მიუძღვის. მისი ბოლო მფლობელი ახალი ზელანდიის ქალთა ნაკრების ყოფილი კაპიტანი, ფარა პალმერი იყო.