ბაიდენმა საკმაოდ კრიტიკულად შეაფასა თავისი მოკავშირეებიც. ასე, მაგალითად, დიდი ბრიტანეთის პრემიერ-მინისტრს ბორის ჯონსონს მან „ფეთქებადი“ უწოდა, ოლაფ შოლცზე თავს რომ ის ანგელა მერკელი ნამდვილად არ არის, ხოლო საფრანგეთის პრეზიდენტზე ემანუელ მაკრონზე აღნიშნა, რომ მას ძალიან სურს, რომ იყოს შარლ დე გოლი

ტელეკომპანიის ინფორმაციით, ბაიდენს ნატოს მოკავშირეებში უკრაინის გარშემო არსებული პრობლემების მოგვარების მხრივ განსხვავებული აზრის პრობლემის დაძლევა უწევდა.

ბაიდენი უკრაინის წინააღმდეგ რუსეთის აგრესიაზე ნატოს კოორდინირებული პასუხის მომზადებაზე მუშაობდა. გერმანია, მაგალითად, არ შეთანხმება „ჩრდილოეთ ნაკადი“2 -ის მშენებლობის შეჩერებას, რომლითაც ის რუსული ბუნებრივი აირის მიღებას აპირებს. ბაიდენთან შეხვედრის შემდეგ გერმანიის კანცლერმა ოლაფ შოლცმა ამ საკითხზე ღია განცხადებას თავი აარიდა.

საფრანგეთი, თავის მხრივ, მოითხოვდა, რომ რუსეთთან მოლაპარაკების ძირითადი ფორუმი ევროკავშირი იყოს და არა ნატო. აღმოსავლეთ ევროპის ქვეყნები კი რუსეთთან დაკავშირებით ხისტ პოზიციას უჭერენ მხარს და უკრაინისთვის მეტი იარაღის მიწოდებისკენ მოუწოდებენ.

აშშ-ის ეროვნული უშიშროების საბჭოს წარმომადგენელმა ემილი ჰორნმა ბაიდენის ამ სიტყვების თაობაზე ინფორმაციის საპასუხოდ განაცხადა, რომ  ეს „ანონიმური ჭორებია და ის საერთოდ არ ჰგავს იმას, რასაც პრეზიდენტი ბაიდენი საუბრობს ან ფიქრობს თავის კოლეგებზე, რომლებსაც ის აფასებს და პატივს სცემს“.

ექსპერტები ამბობენ, რომ 2014 წელს, როდესაც რუსეთმა ყირიმის ანექსია მოახდინა და აღმოსავლეთ უკრაინაში სეპარატისტების დახმარებით უკრაინის ჯართან საბრძოლო მოქმედებები დაიწყო, აშშ-ის და ევროპული ქვეყნების პოზიცია უფრო შეთანხმებული იყო.

გერმანიის კანცლერი მაშინ ანგელა მერკელი იყო, რომელიც იმ დროისთვის ხელისუფლებაში 8 წელი იყო და დიდი ავტორიტეტით სარგებლობდა. დღეს კი ერთიანი პოზიცია უკრაინის გარშემო კრიზისთან დაკავშირებით ევროპაში აშკარად არ არის.