მოსკოვიდან თბილისის მიმართულებით ავიაკომპანია Azimuth-ის ვებგვერდზე ავიაბილეთები უკვე იყიდება. ამის შესახებ რუსული მედია იუწყება.

„ორშაბათს საღამოს „Azimuth Airlines“-ის ვებგვერდზე საქართველოს მიმართულებით ბილეთების გაყიდვა დაიწყო“, - აღნიშნავს მედია.

საქართველოს სამოქალაქო ავიაციის სააგენტომ განაცხადა, რომ რუსულმა ავიაკომპანია Azimut-მა მოსკოვიდან თბილისში ფრენის ნებართვა მიიღო. ფრენები 17 მაისიდან კვირაში შვიდჯერ შესრულდება.

რაც შეეხება ფასებს, მაგალითად, 19 მაისს, ბილეთის ფასია 20 468 რუბლი (დაახლოებით, 655 ლარი), ხოლო 20 მაისის ბილეთზე მითითებულია 17 148 რუბლი "საუკეთესო ფასი" (დაახლოებით, 550 ლარი).