თბილისში, დიდ დიღომში დღეს მკვლელობა მოხდა. გარდაცვლილია 28 წლის ახალგაზრდა მამაკაცი.

როგორც მეზობლები ჰყვებიან,  ახალგაზრდა მამაკაცი საკუთარი სახლის სადარბაზოსთან დაიღუპა. მას სხეულზე ბასრი საგნით მიყენებული რამდენიმე ჭრილობა აღენიშნება.

გავრცელებული ინფორმაციით, 28 წლის გ.წ. სავარაუდოდ საკუთარ სახლში დაჭრეს. მან თავად შეძლო ეზოში ჩასვლა, თუმცა მისი გადარჩენა ვერ მოხერხდა.

ოჯახის ახლობლის განცხადებით, გარდაცვლილი პორტუგალიაში ცხოვრობდა და სამშობლოში ცოტა ხნის წინ დაბრუნდა.

შინაგან საქმეთა სამინისტროს აღნიშნულთან დაკავშირებით ოფიციალური ინფორმაცია, ჯერჯერობით, არ გაუვრცელებია, თუმცა მეზობლების ცნობითვე, დამნაშავე უკვე ჩაბარდა სამართალდამცველებს.