რამდენიმე წუთის წინ, ზაგრებში მიმდინარე ევროპის ჩემპიონატზე თავისუფალ ჭიდაობაში საქართველოს კიდევ ერთი, დღეს რიგით მესამე ბრინჯაო ერგო.

მირიან მაისურაძემ ევროპის ჩემპიონატზე ბრინჯაოს მედალი  მოიპოვა.

მანამდე კი დღესვე, 2 ბრინჯაო, ავთანდილ კენჭაძემ და შოთა ფარტენაძემ მოიპოვეს.

ტურნირზე რამდენიმე წუთში ოქროს მედლისთვის იჭიდავევს გენო პეტრიაშვილი (125 კგ), რომელიც პრინციპულ მეტოქეს, ლეგენდარულ თურქ სპორტსმენს ტაჰა აკგულს შეხვდება.

შეგახსენებთ, რომ დღემდე შეჯიბრზე საქართველოს ნაკრების ანგარიშზე ერთი ოქროსა და ერთი ბრინჯაოს მედალი გახლდათ. კონტინენტის პირველობის გამარჯვებული გივი მაჭარაშვილი (97 კგ) გახდა, მესამე ადგილზე კი ედემი ბოლქვაძე (65კგ) გავიდა.