საფრანგეთის ლიგა 2-ის ბოლო ტურში ზურიკო დავითაშვილის "ბორდოსა" და "როდეზის" შეწყვეტილი მატჩის შესახებ საფრანგეთის ფეხბურთის ფედერაციის სადისციპლინო კომიტეტმა გადაწყვეტილება გამოიტანა - როგორც მოსალოდნელი იყო, ჟირონდულ გუნდს ტექნიკური წაგება ჩაეთვალა.

შეგახსენებთ, თამაში 23-ე წუთზე შეწყდა, როდესაც "როდეზი" ლიუკა ბუადემ დააწინაურა. მას მოედანზე შევარდნილმა გულშემატკივარმა ხელი ჰკრა და მსაჯმა გუნდები მოედნიდან გაიყვანა.

ლიგა 1-ში ოფიციალურად გადავიდა გიორგი მიქაუტაძის "მეცი", რომელიც ჩემპიონატზე მეორე ადგილზე გავიდა, ხოლო მესამეადგილოსანი "ბორდო" ლიგა 2-ში დარჩა. ამავე ლიგაში ადგილი შეინარჩუნა "როდეზმა", "ანსი" კი ქვედა დივიზიონში დაქვეითდა.

მიქაუტაძე ტურნირის ბომბარდირი და საუკეთესო ფეხბურთელი გახდა.