თვითმფრინავი მილანის Linate-ს აეროპორტიდან კუნძულ სარდინიის მიმართულებით მიფრინავდა. იტალიური მედიის მიერ გავრცელებული ინფორმაციით, თვითმფრინავის მგზავრებს შორის იყო რუმინეთის ერთ-ერთი უმდიდრესი მაგნატი დენ პეტრესკუ, მეუღლესთან და შვილთან ერთად. ასევე, უბედურ შემთხვევას ემსხვერპლნენ იტალიელი ბიზნესმენი ფილიპო ნასკიმბენე, მეუღლესთან და მცირეწლოვან ბავშვთან ერთად. დანარჩენი რუმინელი მგზავრების იდენტიფიკაცია ვერ მოხერხდა. 

კერძო თვითმფრინავის ჩამოვარდნის მიზეზთან დაკავშირებით გამოძიება უკვე დაწყებულია.  ამოღებულია თვითმფრინავის "შავი ყუთის" ჩამწერი.