დღეს, თბილისის დროით 12:30 საათზე საქართველოს კალათბურთელთა ნაკრები მსოფლიო ჩემპიონატზე გერმანიას დაუპირისპირდება. მატჩის პირდაპირ რეპორტაჟს საქართველოს პირველი არხი და საქართველოს რადიო შემოგთავაზებთ.

„ჯვაროსნებმა“ თავის პირველ მსოფლიო ჩემპიონატზე ისტორიული შედეგი აჩვენეს – გავიდნენ ჯგუფიდან და მოიპოვეს ოლიმპიადის საკვალიფიკაციო ეტაპზე თამაშის უფლება. 

„თუმცა ამით ჩვენი გამოსვლა არ დასრულებულა, წინ ორი უმნიშვნელოვანესი მატჩია, ვეთამაშებით ავსტრალიას და გერმანიას. წინსვლა უნდა განვაგრძოთ“, – ამბობს საქართველოს ნაკრების მწვრთნელი ილიას ზუროსი.

საქართველოს ნაკრები გერმანიას აქამდე ხუთჯერ ეთამაშა. ყველა შეხვედრა გერმანელთა სასარგებლოდ დასრულდა.