როგორც კუჭავა „ფეისბუქის“ გვერდზე წერს, თანხას „სოლიდარობის ფონდს“ გადაურიცხავს.

„მიუხედავად იმისა, რომ არჩევნების დღეს, საარჩევნო უბანზე „ქართული ოცნების“ სიმბოლიკის ამსახველი პირბადით შესვლა მექანიკური შეცდომა იყო და მიზნად არ ისახავდა წინასაარჩევნო აგიტაციას, ეს იყო კანონდარღვევა, რაც სასამართლომ დაადასტურა და სიტყვიერი გაფრთხილება მომცა. თუმცა, მართებულად მიმაჩნია, რომ აღნიშნული სამართალდარღვევისთვის გათვალისწინებული ჯარიმა, 2 000 ლარის ოდენობით გადავიხადო და ეს თანხა „სოლიდარობის ფონდს“ გადავურიცხო“, – წერს კახა კუჭავა.