ნუცა ბუზალაძემ ამერიკის ვარსკვლავის ფინალზე მსოფლიო ვარსკვლავთან კაილი მინოუგთან ერთად შთამბეჭდავად იმღერა.

შოუს წამყვანმა ქართველი მომღერალი ამ სიტყვებით წარადგინა:
“12 ფინალისტისგან, ყველამ ვიცით, რომ მან [ბუზალაძემ] ნახევარი მსოფლიო გამოიარა საკუთარი ოცნების ასახდენად…ახლა ის მსოფლიოს საკულტო მომღერალთან ერთად შეასრულებს მის ახალ ჰიტს “პადამ, პადამ”-აღნიშნა წამყვანმა.

ნუცას გამოსვლას “ბრავო რექორდსის” დამფუძნებელი ზაზა შენგელია კი ასე გამოეხმაურა:

“ნუცა ბუზალაძემ მსოფლიოში უდიდეს მუსიკალურ მეგაშოუს, American Idol-ის სუპერ საფინალო ტურში ( რომელსაც 120 მილიონი ამერიკელი უყურებდა ), სცენა გაიყო ავსტრალიური წარმოშობის ბრიტანელ მომღერალთან - “Grammy” ჯილდოს, სამი “Brit Awards”-ის, ორი “MTV Video Music Awards”-ის გამარჯვებულ, “გინესის რეკორდების წიგნში” შესულ ლეგენდარულ კაილი მინოუგთან ერთად” - დაწერა შენგელიამ.

ცნობისთვის, კაილიმ ახალი სიმღერა, PADAM PADAM შეასრულა. ნუცასთან ერთად კი თავისი ცნობილი ჰიტი Can’t Get You Out Of My Head.