მაღალი ძაბვის ხაზის დაზიანების გამო, 4 მიმართულების სამგზავრო მატარებელი გაჩერდა

23/10/2021

23:16

საზოგადოება

A-

სახელმწიფო ელექტროსისტემის მაღალი ძაბვის 110-კილოვატიანი ხაზის დაზიანების გამო, 4 მიმართულების სამგზავრო მატარებელი გაჩერდა. საქართველოს რკინიგზაში ამბობენ, რომ მაღალი ძაბვის ხაზი გაწყდა, რკინიგზის საკონტაქტო ხაზს დაეცა და დააზიანა.

შედეგად, გაჩერდა შემდეგი მიმართულებები:

თბილისი-ბათუმი;
ბათუმი-თბილისი;
თბილისი-ფოთი;
ზუგდიდი-თბილისი.

"სახელმწიფო ელექტროსისტემის თანამშრომლების მიერ აღდგენითი სამუშაოები უკვე დაწყებულია და თანმიმდევრულად განახლდება მოძრაობა. ყველა მიმართულების აღდგენას დაახლოებით 2 საათი დასჭირდება", — აცხადებენ რკინიგზაში.

მათივე ინფორმაციით, უკვე გაგზავნეს ავტობუსები და მგზავრებს სურვილისამებრ მიეცემათ გზის ავტობუსებით გაგრძელების საშუალება.

412