სერია A-ს მეორე ტურში „ნაპოლიმ“ საკუთარ მოედანზე „სასუოლო“ 2:0 დაამარცხა.

მწვრთნელმა რუდი გარსიამ ხვიჩა კვარაცხელია ძირითად შემადგენლობაში არ დააყენა, მასპინძლებმა თავიდანვე შეუტიეს, პოლიტანო საჯარიმოში წააქციეს, რაც მსაჯმა ვერ შეამჩნია, მაგრამ VAR-მა პენალტი დანიშნა და ოსიმენმა გაიტანა.

მეორე ტაიმის დასაწყისში ლოპესის გაძევების გამო სტუმრები კაცნაკლული დარჩნენ. შემდეგ კუთხურიდან ჩაწოდებული ბურთი საჯარიმოში ხელზე „სასუოლოს“ ფეხბურთელს მოხვდა, თერთმეტმეტრიანი კი რასპადორიმ ვერ გამოიყენა. 

61-ე წუთზე შეცვლაზე კვარაცხელია შევიდა, მაშინვე დი ლორენცო მეკარეს პირისპირ გაიყვანა და კაპიტანმა ანგარიში ორამდე გაზარდა. 

„ნაპოლიმ“ ჩემპიონატის დასაწყისიდან ზედიზედ მეორე გამარჯვება მოიპოვა და 2 სექტემბერს „ლაციოს“ უმასპინძლებს.

წყარო: sportall.ge