სერბმა კინორეჟისორმა და მსახიობმა ამის შესახებ „იზვესტიასთან“ ინტერვიუში ისაუბრა. კუსტურიცას თქმით, რუსეთის ჩაურევლობა დონბასში ქვეყანას საშიშ შედეგებამდე მიიყვანდა. „ეს შეიძლება, იყოს ის, რაც ამერიკელებმა გააკეთეს ხორვატიაში – გენოციდი, ხალხის განადგურება. მათ ათასობით სერბი გააძევეს ხორვატიიდან. თქვენ რომ არ გაგეკეთებიათ ეს, რაც გააკეთეთ, მაშინ ამას უკრაინელი მებრძოლები, ამერიკელები, ბრიტანელები გააკეთებდნენ. ისინი ზუსტად ასე მოიქცნენ იუგოსლავიაში“, – აღნიშნა რუსულ მედიასთან კუსტურიცამ.

რეჟისორმა და მსახიობმა პოლიტიკური დაძაბულობის ხელოვნურად შექმნაში აშშ დაადანაშაულა.