რუსეთის პრეზიდენტის პრესმდივანმა დიმიტრი პესკოვმა განაცხადა, რომ მას არ აქვს ინფორმაცია ოკუპირებული ე.წ. სამხრეთ ოსეთის „საზღვარზე“ მომხდარი ინციდენტის შესახებ, სადაც სასიკვდილოდ დაიჭრა საქართველოს მოქალაქე მესაზღვრეების მიერ.

„არა, მე არ მაქვს ინფორმაცია ამ საკითხზე. არ მაქვს ინფორმაცია“ - ასე უპასუხა პესკოვმა ჟურნალისტის შეკითხვას, აქვს თუ არა კრემლს ინფორმაცია საოლუპაცო ხაზთან არსებული ვითარების შესახებ.

მანამდე „სამხრეთ ოსეთის“ კგბ-მ გაავრცელა ინფორმაცია, რომ ავტომანქანაში მყოფმა ორმა ნასვამმა პირმა რესპუბლიკის საზღვარი დაარღვია. მათივე ცნობით, მესაზღვრეები ცდილობდნენ დამრღვევების დაკავებას, მაგრამ მათ „წინააღმდეგობა გაუწიეს, რითაც საფრთხეს უქმნიდნენ მესაზღვრეების სიცოცხლესა და ჯანმრთელობას“.