კოალიცია „ძლიერი საქართველო“ არის პოლიტიკური ძალა, რომელსაც შეუძლია ამ „ქართული ოცნების“ კი არადა, „რუსული ოცნების“ დამარცხება და ქვეყნის წინსვლა, ევროკავშირში წაყვანა, - ამის შესახებ კოალიცია „ძლიერი საქართველოს“ ერთ-ერთმა ლიდერმა ალეკო ელისაშვილმა განაცხადა.

მან ხმა საბურთალოს ოლქის 46-ე საარჩევნო უბანზე უკვე მისცა.

„ვიყავი ჩემს მშობლიურ საარჩევნო უბანზე, საბურთალოზე, ადრე ტოროშელიძე ერქვა, ახლა ჯანო ბაგრატიონი ჰქვია, ამ ქუჩაზე, სადაც დავიბადე, გავიზარდე... რა თქმა უნდა, გავაფერადე 9 ნომერი, იმიტომ, რომ კოალიცია „ძლიერი საქართველო“ არის პოლიტიკური ძალა, რომელსაც შეუძლია ამ „ქართული ოცნების“ კი არადა, „რუსული ოცნების“ დამარცხება და ქვეყნის წინსვლა, ევროკავშირში წაყვანა, 200 000 სამუშაო ადგილის შექმნა, ანაკლიის პორტის გაცოცხლება, დიდი პროექტების დაწყება, პენსიის 1000 ლარამდე გაზრდა და ასე შემდეგ, ასე რომ, ძალიან მხნედ და შემართებით გავაფერადე და დარწმუნებული ვარ, რომ დღეს ყველა ქართველს, ყველა ჯანმრთელ, ნორმალურ ქართველს რომ გაგვიხარდება, ისეთი შედეგი გვექნება“, - განაცხადა ალექსანდრე ელისაშვილმა.