ბრიტანელი თინეიჯერი გოგონა ლეიკემიისგან განიკურნა ახალი ტიპის თერაპიით, რომელსაც პირობითად “საფუძვლის რედაქტირება” ჰქვია.

13 წლის ალისას ყველა სხვა მკურნალობა წარუმატებელი აღმოჩნდა. ამიტომ, ლონდონის მსოფლიოში ცნობილი Great Ormond Street-ის ბავშვთა საავადმყოფოს ექიმებმა, ფაქტობრივად, შექმნეს მისთვის ახალი პრეპარატი.

ექვსი თვის შემდეგ მის სხეულში კიბოს უჯრედები არ აღმოჩნდა, თუმცა ალისა ჯერ კიდევ სამედიცინო მეთვალყურეობის ქვეშ იმყოფება.

გასულ მაისს ალისას T-უჯრედოვანი მწვავე ლიმფობლასტური ლეიკემიის დიაგნოზი დაუსვეს.

ნორმალურ პირობებში T-უჯრედები სხეულის დამცველები არიან, მაგრამ ალისას შემთხვევაში მათი აქტივობა უკონტროლო და საშიში გახდა.

ალისას აგრესიული ტიპის კიბო ჰქონდა. არც ქიმიოთერაპიამ და არც ძვლის ტვინის ტრანსპლანტაციამ არ უშველა. "საბოლოოდ, მე მოვკვდებოდი" - ამბობს ალისა.

ექიმების გუნდმა გამოიყენა გენის რედაქტირების ტექნოლოგია, რომელიც სულ რაღაც ექვსი წლის წინ გამოჩნდა.