,,პრეზიდენტის წასვლა არ იგეგმება. ნება მომეცით, ეს კიდევ ერთხელ გავიმეორო", - განაცხადა ფსაკიმ.

როგორც BBC-ი იუწყება, ფსაკიმ ასევე დასძინა, რომ აშშ იმედოვნებს, რომ აშშ-ის საელჩო კიევში, ხელახლა გაიხსნება.

,,ეს რა თქმა უნდა ჩვენი მიზანია. ცხადია, რომ ადგილზე დიპლომატიური წარმომადგენლობის ყოფნა მნიშვნელოვანია", - დასძინა ფსაკიმ.

თეთრმა სახლმა განაცხადა, რომ ბაიდენის ნაცვლად, სურთ, რომ მაღალი რანგის ოფიციალური პირი გაგზავნონ. ეს შესაძლოა, იყოს აშშ-ის სახელმწიფო მდივანი ენტონი ბლინკენი ან თავდაცვის მდივანი ლოიდ ოსტინი.

CNN-თან ინტერვიუში, უკრაინის პრეზიდენტმა ვოლოდიმირ ზელენსკიმ ბაიდენის ვიზიტთან დაკავშირებით აღნიშნა, რომ ეს მისი გადაწყვეტილებაა და დამოკიდებულია არსებულ უსაფრთხოებაზე, თუმცა მისი თქმით, ის შეერთებული შტატების ლიდერია და ამიტომ უნდა ჩავიდეს უკრაინაში.